Türkiyə ilə ABŞ arasında son vaxtlar artan diplomatik təmaslar çərçivəsində ən çox müzakirə olunan mövzu ABŞ Prezidenti Donald Trampla Prezident Rəcəb Tayyib Ərdoğanın harada və nə vaxt görüşəcəkləridir.

Əvvəlcə Ərdoğanın ABŞ-yə səfər edəcəyi ilə bağlı xəbərlər var idi, amma indi Ankara və Vaşinqtonda müzakirə olunan məsələ Trampın may ayında Yaxın Şərq turuna Türkiyəni də qatıb-qatmayacağıdır.
Ankaradakı diplomatik mənbələr ABŞ Prezidentinin Türkiyəyə gəlmə ehtimalından getdikcə daha çox danışır.

Qeyd edək ki, ABŞ Prezidenti kimi Türkiyəyə rəsmi səfər edən sonuncu lider 2015-ci ildə G20 Sammitinə gələn Barak Obama olub.