Pakistanın cənubundakı Bəlucistan əyalətində bombalı hücum olub.

Pakistan mətbuatında yer alan xəbərlərə görə, polis əyalətin Kila Abdullah rayonunda orduya bağlı “Frontier Corps (FC)” adlı yarımhərbi qruplaşmanın obyekti yaxınlığında törədilən bombalı hücumla bağlı açıqlama verib.

Açıqlamada avtomobilə yerləşdirilən partlayıcının partladığı və ilkin məlumata görə, 2 nəfərin həyatını itirdiyi, 11 nəfərin yaralandığı bildirilib.