İngiltərə, Fransa və Kanada birgə açıqlamada İsrailin Qəzzaya hücumlarını genişləndirmək qərarını pisləyib. İsrail hökumət rəsmilərinin Qəzzada insanların didərgin salınması ilə bağlı istifadə etdikləri ifadələrlə bağlı bildirilib: "İsrail hökumət üzvlərinin istifadə etdiyi nifrət dolu dili pisləyirik".

Açıqlamada İsrailin özünü müdafiə etmək haqqına verilən dəstək təkrarlanarkən “amma bu eskalasiya tamamilə qeyri-mütənasibdir. Biz Netanyahu hökumətinin dəhşətli hərəkətlərini davam etdirərkən dayanıb onu seyr edə bilmərik. İsrail yeni hərbi əməliyyatlarını dayandırmasa və humanitar yardımlara qoyduğu maneələri aradan qaldırmasa, onlara qarşı daha konkret addımlar atacağıq" deyə vurğulanıb.