Ukrayna hərbçiləri Almaniyada Ukraynaya tədarükü müzakirə olunan “Taurus” raketlərini idarə edə bilmir.

Bunu Rusiya prezidenti Vladimir Putin dünyanın aparıcı xəbər agentliklərinin rəhbərləri ilə görüşündə deyib.

Dövlət başçısının sözlərinə görə, “Taurus” Ukrayna hərbçilərinin işləməyə qadir olmadığı yüksək dəqiqliyə malik silahdır və bunlar “açıq-aşkar şeylərdir”.

"Kosmik kəşfiyyat olmadan “Taurus"u istifadə etmək mümkün deyil, bunu yalnız Qərb ölkələri edə bilər. Alman zabitləri olmadan “Taurus”u istifadə etmək mümkün deyil, yalnız onlar idarə edə bilərlər", - Putin qeyd edib.

Prezident həmçinin vurğulayıb ki, Almaniyanın “Taurus” qanadlı raketlərini Ukraynaya təhvil verməsi cəbhədəki vəziyyəti dəyişdirə bilməyəcək, əksinə iki ölkə arasında münasibətləri pisləşdirəcək.

Cavid