“Avropa üçlüyü ilə danışıqların növbəti raundu ilə bağlı dəqiq tarix təyin olunmayıb”.

APA xəbər verir ki, bunu İran Xarici İşlər Nazirliyinin sözçüsü İsmayıl Bəqayi mətbuata açıqlamalarında deyib.

“Bizim Avropa üçlüyü ilə (Böyük Britaniya, Fransa və Almaniya) normal münasibətlərimiz var və müxtəlif səviyyələrdə onlarla əlaqə saxlayırıq. Bildiyiniz kimi ötən həftə danışıqlar baş tutub. Növbəti danışıqların dəqiq tarixi müəyyən edilməyib. Lakin, hər hansı bir dəyişiklik olarsa ictimaiyyəti məlumatlandıracağıq”- Bəqayi bildirib.

İsmayıl Bəqayi həmçinin, Almaniya kanslerinin müharibə ilə bağlı bəyanatını şərh edib:

“Aşkar bir təcavüzün “Almaniyanın çirkli işi” olaraq adlandırılması, Almaniya üçün əbədi və tarixi rüsvayçılıqdır. Almaniya və Fransanın ölkəmizə olan təcavüzlə bağlı tutduqları mövqe qəbuledilməzdir”, - İsmayıl Bəqayi ifadə edib.