Şotlandiyadakı "Klayd" hərbi-dəniz bazasında 2025-ci ilin birinci rübündə "A" kateqoriyasına aid ciddi nüvə insidenti baş verib.

Xalqcebhesi.az xəbər verir ki, bu barədə "The Telegraph" Böyük Britaniya Müdafiə Nazirliyinə istinadən məlumat yayıb.
"A" kateqoriyası ətraf mühitə radiasiya sızması ehtimalının yüksək olduğunu və ya artıq faktiki olaraq baş verdiyini bildirir. Bu baza, bütün Britaniya sualtı qayıqlarının yerləşdiyi əsas məkan olub, o cümlədən nüvə silahları ilə təchiz olunmuş Trident tipli Vanguard sinfi gəmilər də burada yerləşir.

"Klayd" bazasında daha əvvəl də belə səviyyəli insidentlər qeydə alınıb — 2006-2007-ci illərdə iki dəfə və 2023-cü ildə bir dəfə.

Məryəm Quliyeva