Avqustun 15-nə keçən gecə Rusiyanın iki hava limanı uçuşları dayandırıb.

Bu barədə Federal Hava Nəqliyyatı Agentliyinin rəsmi nümayəndəsi Artem Korenyako özünün Telegram kanalında məlumat verib.

O qeyd edib ki, Saratov və Tambovda “təyyarələrin qəbulu və buraxılmasına müvəqqəti məhdudiyyətlər tətbiq edilib”.

Qeyd olunur ki, bu cür tədbirlər Ukrayna PUA-larının Rusiya Federasiyasının regionlarına hücumları zamanı sərnişinlərin təhlükəsizliyini təmin etmək üçün zəruridir.

Əlavə edilib ki, oxşar məhdudiyyətlər Tambov hava limanında avqustun 4-də tətbiq edilib və məhdudiyyətlər üç saat davam edib. Saratov hava limanı avqustun 11-nə keçən gecə fəaliyyətini dayandırıb, məhdudiyyətlər təxminən üç saat davam edib.

Cavid