2025 FA22 asteroidi sentyabrın 18-də təxminən saat 11:00-da Yer kürəsinin yanından uçacaq və ən yaxın məsafə Ay orbitinin diametrindən bir qədər böyük olacaq.

Xalqcebhesi.az xəbər verir ki, bu barədə Kosmik Tədqiqatlar İnstitutunun Günəş Astronomiya Laboratoriyası və Rusiya Elmlər Akademiyasının (RAA) Sibir Bölməsinin Günəş-Yer Fizikası İnstitutu məlumat yayıb.

"2025-ci il üçün, görünür, bu, planeti 1 milyon kilometrdən daha az məsafədən keçən ən böyük daşlardan biridir (ən azı ən böyük olanlardan biri)" — deyə, açıqlamada bildirilir.

Yerin yaxınlığından keçən asteroidin diametri 166 metrə, uzunluğu isə 290 metrə çatır. Kütləsi baxımından 2025 FA22, Çelyabinsk meteoritindən təxminən min dəfə daha böyükdür. Yerin və 2025 FA22 asteroidi arasında toqquşma ehtimalı isə təxminən 0,01 faiz olaraq qiymətləndirilir.

Məryəm Quliyeva