Zelenskinin növbəti seçkilərə gedəcəyi təqdirdə belə uduzacağı şübhə doğurmur, zira o seçicilərinə verdiyi vədi yerinə yetirə bilməmiş, Ukraynanı labüd fəlakətə sürükləyib. Digər tərəfdən Kremlə görə onun hakimiyyəti legitim deyil, zira Zelinskinin səlahiyyət müddəti keçən ilin mayında başa çatıb. O, isə müharibəni bəhanə edərək növbəti seçkilərin keçirilməsindən imtina edib.

Bunu xalqcebhesi.az-a politoloq Elşən Manafov deyib.

"Halbuki Ukrayna qanunvericiliyində bununla bağlı müddəa yoxdur. Avropa Birliyindəki qlobalist dairələr isə buna göz yumurlar. Zelinski Trampın hərbi əməliyyatların dayandırılmasl ilə bağlı çağırışlarına Avropadakı havadarlarına güvənib əhəmiyyət vermədiyinə görə ehtimal ki, onun dəyişdirilməsi üzərində artıq ABŞ-ın bəlli dairələrində iş gedir, yeni liderin "üzüyola" olması planı müharibənin sonunu gətirəcək ən effektli əməliyyatlardan ola bilər.
Onsuz da bu müharibənin Ukraynanın nufuz dairələrinə bölunəcəyi ilə bağlı fikirləri həm Qərb, həm də Şərqdə qəbul edirlər" - politoloq deyib.

Cavid