İran rejimi və rəsmi şəxslər ölkə daxilindən çökməkdə və böyük uçurumun kənarında olarkən, “İsraillə 12 günlük müharibədə qələbə”ni qeyd edirlər.

Bu barədə “Times of Israel” qəzeti İran hökumətinin 12 günlük müharibədə ABŞ və İsraili məğlub etdikləri barədə təbliğat və açıqlamalarına istinadla yazıb.

İsrail nəşri bildirib ki, molla rejiminin iddiaları ilə vətəndaşların fikirlər arasında heç vaxt bu qədər açıq fərq olmayıb.

“Qələbə” nidaları artdıqca səhnə daha aydın görünür”, - mənbə əlavə edib.

“Times of Israel”in təhlilinə görə, “rejimin sevinci” hərbi nailiyyətlərdən yox, salamat qalmaq cəhdindən irəli gəlir:

“(Etiraf edilən) Rəsmi 50 faizlik inflyasiya və əsas ərzaq məhsullarında 60 faizdən çox qiymət artımı ilə Tehran artıq başa düşüb ki, geosiyasi güc nümayişi iqtisadi idarəetməyə nisbətən daha ucuz başa gəlir”.