Birləşmiş Ərəb Əmirlikləri ABŞ Prezidenti Donald Trampın Livan və İsrail arasında atəşkəs sazişi elan etməsini alqışlayıb və Prezident Trampın bu sazişin əldə olunmasına kömək etmək üçün apardığı diplomatik səyləri təqdir edib.

Xarici İşlər Nazirliyi (XİN) verdiyi açıqlamada bu inkişafın regional sabitliyə əlverişli mühitin yaradılması istiqamətində müsbət addım olacağına ümid etdiyini bildirib və regionda eskalasiyanın daha da artmasının qarşısını almaq və humanitar və təhlükəsizlik fəsadlarını azaltmaq üçün effektiv beynəlxalq koordinasiyanın davam etdirilməsinin vacibliyini təsdiqləyib.

Nazirlik, BƏƏ-nin Livan hökuməti ilə tam həmrəyliyini və bu kritik dövrdə, o cümlədən silahların yalnız dövlətin əlində qalmasını təmin etmək və terror təşkilatlarını məhv etmək səylərini dəstəklədiyini bir daha təsdiqləyərək, bunun milli təhlükəsizlik və sabitliyin möhkəmləndirilməsi istiqamətində mühüm addım olduğunu qeyd etdi. BƏƏ Livanın birliyini, suverenliyini və ərazi bütövlüyünü dəstəkləməkdə sarsılmaz öhdəliyini və qardaş Livan xalqının təhlükəsizlik, sabitlik, inkişaf və rifah arzularına çatmaqda onlara verdiyi dəstəyi vurğuladı.

Cavid