2025-ci ildə dünya üzrə hərbi xərclər 2,887 trilyon ABŞ dollarına yüksəlib və bu göstərici ardıcıl olaraq artıq 11-ci ildir artım nümayiş etdirir.

Bu barədə Stokholm Beynəlxalq Sülh Araşdırmaları İnstitutunun (SIPRI) hesabatında qeyd olunub.

Hesabatda bildirilib ki, qlobal hərbi xərclərin yarıdan çoxu üç ölkənin – ABŞ, Çin və Rusiyanın payına düşüb.

“Ən çox hərbi xərcləri olan ABŞ, Çin və Rusiya ümumilikdə 1,48 trilyon dollar xərcləyib ki, bu da dünya üzrə ümumi xərclərin 51 faizini təşkil edir”, - sənəddə deyilir.

Eyni zamanda, hərbi xərclərin dünya ÜDM-də payı 2,5 faizə yüksəlib. Bu da 2009-cu ildən bəri ən yüksək göstəricidir.