İsrail Müdafiə Ordusunun (SAXAL) Şimal briqadasının qüvvələri və "Yahalom" bölməsi, 252-ci diviziyanın komandanlığı altında son aylarda Qəzza zolağının şimalında, xüsusən "Sarı xətt"in şərqindəki Beyt-Hanun rayonunda HƏMAS-ın yeraltı infrastrukturunun məhv edilməsi üzrə məqsədyönlü əməliyyat aparır.

Xalqcebhesi.az xəbər verir ki, bu barədə İsrail Müdafiə Ordusu məlumat yayıb.

"Əməliyyat çərçivəsində briqada qüvvələri 'Yahalom' bölməsinin döyüşçüləri ilə birlikdə artıq 14 kilometrə yaxın yeraltı tuneli məhv edib. Həmin tunellərdə yaşayış sahələri və xeyli miqdarda silah-sursat aşkar olunub. Briqada qüvvələri ərazinin təmizlənməsi tapşırığını yerinə yetirməyə davam edir.

Son aylar ərzində Şimal briqadasının qüvvələri atəşkəs razılaşmasını pozan və qoşunlar üçün birbaşa təhlükə yaradan 70-ə yaxın yaraqlını zərərsizləşdirib", — deyə ordunun məlumatında bildirilir.

Məryəm Quliyeva