ABŞ rəhbərliyi Türkiyəyə beşinci nəsil "F-35" qırıcılarının tədarükü variantlarından biri kimi, respublikanın silahlanmasında olan Rusiya istehsalı "S-400" HHM (Hava Hücumundan Müdafiə) sistemlərinin elementlərinin deaktiv edilməsini müzakirə edir.

Xalqcebhesi.az xəbər verir ki, bu barədə ABŞ-nin "Semafor" portalı mənbələrə istinadən məlumat yayıb.

Portalın məlumatına görə, Vaşinqton bu ssenarini kompromis variant hesab edir. Çünki bu addım ABŞ Konqresi tərəfindən Türkiyəyə "F-35" tədarükünə qoyulan məhdudiyyətlərdən yan keçməyə kömək etməli və eyni zamanda Ankaraya "S-400" sistemlərindən tamamilə imtina etməmək imkanı verəcək. Bununla belə, ABŞ Prezidenti Donald Trampın administrasiyası Vaşinqtonun Türkiyəyə "F-35" qırıcılarını hansı formada satacağı ilə bağlı hələlik yekun qərar qəbul etməyib.

Məryəm Quliyeva