Prezident İlham Əliyevin sərəncamı ilə əfv olunan 276 nəfərin hamısı Bakı ətrafındakı istirahət mərkəzlərindən birində karantində saxlanılır. 276 nəfərin hər biri koronavirus testi edilib və heç birində koronavirus aşkarlanmayıb". Bunu açıqlamasında Əfv Məsələləri Komissiyasının üzvü, hüquqşünas Əliməmməd Nuriyev bildirib. Ə.Nuriyev qeyd edib ki, aprelin 7-də sərəncam tam olaraq icra edilib: "Əfv olunan şəxslər 40-a qədər bölgəni əhatə edir. Buna görə də azadlığa çıxmış şəxslər üçün 2 həftəlik karantin rejimi müəyyən edilib. Azad olunanların bütün ehtiyacları tam olaraq dövlət hesabına həyata keçirilir. Onların hər biri qidalanma, gigiyenik təminat, səhiyyə ximətlərindən yararlanırlar. Mütəmadi olaraq, tibbi yoxlanışdan keçirilirlər". Hüquq müdafiəçisi qeyd edib ki, hər bir şəxs ayrı-ayrı otaqlarda qalır: "Keçmiş MTN-çi Akif Çovdoarv da onların arasındadır. Yəni kimlər üçünsə xüsusi şərait yaradılmayıb. Karantin müddəti başa çatan kimi hər biri evinə yola salınacaq. İndiyədək onlar ailə üzvlərilə görüşməyib. Çünki bu, həm onların, həm də ailə üzvlərinin səhhəti üçün problem yarada bilər".