Pakistanın xarici işlər naziri İshaq Dar iranlı həmkarı Abbas Əraqçi ilə telefon danışığı zamanı ABŞ-İran münaqişəsinin tərəflərini təmkinli olmağa və gərginliyi azaltmağa çağırıb.

Bu barədə Pakistan Xarici İşlər Nazirliyi məlumat yayıb.

Məlumata görə, İ.Dar tərəfləri 2026-cı ilin iyununda imzalanmış İslamabad Anlaşma Memorandumunda razılaşdırıldığı kimi təmkin nümayiş etdirməyə və gərginliyin azaldılması yolunu seçməyə çağırıb.

Pakistanlı nazir vurğulayıb ki, mübahisələrin həlli və regionda davamlı sülhün, sabitliyin təmin olunması üçün yeganə real yol dialoq və diplomatiyadır.