Ev şəraitində müalicə olunan COVİD-19 xəstələrinin nəzarətdə saxlanılması Nazirlər Kabinetinin 12 iyun tarixli qərarına edilən dəyişikliklə tənzimlənir.
Trend-in məlumatına görə, bunu Səhiyyə Nazirliyininin Aparat rəhbəri Eldar Zeynalov deyib.
Onun sözlərinə görə, bu xəstələrin evi tərk etməməsi məqsədilə akt imzalanır və belə xəstələr iltizamnaməyə qol çəkirlər.
E.Zeylanov əlavə edib ki, belə xəstələrin vəziyyətinə sahə həkimləri telefonla nəzarət edirlər. Ehtiyac olarsa, həkimlər evə gələrək xəstəyə baxış keçirəcək və vəziyyəti qiymətləndirəcəklər.