Azərbaycan, Ermənistan və Fransa prezidentlərinin görüşü oktyabrın 27-də Yelisey Sarayında keçiriləcək.
Bu barədə "Frans-Press" agentliyi məlumat yayıb. Agentlik bildirib ki, görüşün məqsədi iki ay öncə cəbhədə və qoşunların təmas xəttində baş verən gərginlikdən sonra Dağlıq Qarabağ münaqişəsinin tənzimlənməsi istiqamətində tərəflər arasında dialoq mühitini təmin etməkdir.
Qeyd edək ki, üç tərəfli görüşdən əlavə, Fransa prezidenti Fransua Olland Azərbaycan prezidenti İlham Əliyev və Ermənistan prezidenti Serj Sarkisyanla təkbətək görüş keçirəcək. Səfər çərçivəsində İlham Əliyev və Serj Sarkisyan ATƏT-in Minsk qrupunun həmsədrləri ilə də görüşəcək. Üç ölkənin prezidentinin şərəfinə nahar təşkil ediləcəyi də gözlənilir.