Azərbaycanda koronavirusla bağlı tətbiq edilən karantin rejimi bir sıra ərzaq məhsullarının qiymətinə də təsir göstərib.
Bir neçə gündür rayonlararası gediş-gəlişin bağlanması Neftçala rayonunda balığın qiymətinin düşməsinə səbəb olub. Bayramqabağı 20 manata təklif olunan kütüm balığı hazırda 3 manata düşüb.
Ucuzlaşma digər balıq növlərinə də təsir edib. Kefal, çəki və sıf balıqları da 3-4 manata düşüb.
“Qiymət azalmasına rayonlararası gediş-gəlişin bağlanması olub. Digər rayonlardan Neftçalaya gələn alverçilərə rayona giriş qadağan edilib. Buna görə də balığın qiyməti düşüb”, - balıqçılardan biri saytımıza açıqlamasında deyib.