Beynəlxalq Enerji Agentliyini (IEA) 2020-ci ildə dünyada neftə olan gündəlik tələbat üzrə proqnozunu dəyişib.

"APA-Economics"in IEA-ın may ayı üzrə hesabatına istinadən verdiyi məlumata görə, bu il qlobal gündəlik neft tələbatı 8,6 mln. barel enəcək ki, bu da ötən proqnozla müqayisədə 0,7 mln. barel azdır.

Qeyd edək ki, ötən ay IEA yeni növ koronavirus (COVID-19) pandemiyası səbəbindən dünyada neftə olan gündəlik tələbat rekord həddə – 9,3 mln. barel azalacağını proqnozlaşdırırdı.