TAP ildə 1 milyard kubmetr hidrogen nəql edə biləcək İqtisadiyyat

TAP ildə 1 milyard kubmetr hidrogen nəql edə biləcək

Gələcəkdə Trans-Adriatik boru kəməri (TAP) kimi xətlər vasitəsilə təbii qazla qarışdırılmış 10 faiz hidrogen nəql etmək mümkün olacaq.

Bunu TAP konsorsiumunun icraçı direktoru Luka Skyeppati deyib.

Onun sözlərinə görə, bu, TAP-ın ildə 1 milyard kubmetr hidrogen tədarük edə biləcəyini ifadə edir. Bununla bağlı texniki-iqtisadi əsaslandırma işləri tezliklə başlayacaq.

L.Skyeppati əlavə edib ki, TAP vasitəsilə nəql olunan qaz Aİ-nin yeni təhlükəsiz, etibarlı və rəqabətqabiliyyətli enerji mənbəsi ilə təmin olunmasına vacib rol oynayır.

Qeyd edək ki, TAP vasitəsilə 2020-ci ilin dekabrında nəqlin başlamasından sonra bu günədək 1 milyard kubmetr qaz tədarük olunub.