Qənirə Paşayeva Pakistan, İspaniya, Misir və Çindən olan həmkarlarını Qarabağ məsələsində hər zaman ədaləti dəstəkləməyə çağırıb.
Millət vəkili Pakistan Milli Assambleyasının üzvü, millət vəkili Şaza Fatma Xavaja ilə görüşdə Ermənistanın vandalizm aktlarından danışıb.
"Xalqımız Pakistanın Dağlıq Qarabağ münaqişəsinin tənzimlənməsi ilə bağlı Azərbaycana verdiyi dəstəyi yüksək dəyərləndirir. Azərbaycan Prezidentinin və parlamentinin dost Pakistanla bütün istiqamətlərdə ikitərəfli münasibətlərin inkişafına böyük önəm verir. Pakistan Xocalı soyqırımını rəsmi şəkildə tanıyıb və Ermənistanın insanlıq əleyhinə yönəlmiş bu vandalizm hərəkətlərini qətiyyətlə pisləyib, eləcə də, Ermənistanla diplomatik əlaqələr qurmayıb. Heydər Əliyev Fondunun prezidenti Mehriban Əliyevanın qardaş Pakistanda həyata keçirdiyi böyük və əhəmiyyətli layihələrin xüsusi rol oynayır. Azərbaycanın bundan sonra da Pakistanın və onun xarici ölkələrdə yaşayan böyük diasporunun dəstəyinə ehtiyac var".
Ermənistanın bölgədə davam edən təxribatları barədə də geniş məlumat verən deputatın Misir, İspaniya, Hindistandan və Çindən olan qadın millət vəkilləri və ictimai-siyası xadimlərlə görüşündə Qarabağ problem və Xocalı Soyqrımının tanınması məsələsi xüsusi diqqət mərkəzində olub.
Azərbaycanla bağlı geniş məlumatlar verən millət vəkili onları hər zaman ədaləti dəstəkləməyə çağırıb.
Deputat ötən gün daha bir görüş keçirib və Macarıstan-Azərbaycan Parlamentlərarası Dostluq Qrupunun rəhbəri Marton Gyöngyösi ilə görüşüb.
O, Qarabağ həqiqətlərinin Macarıstan ictimaiyyətinin diqqətinə daha geniş şəkildə çatdırılması istiqamətində səylərin daha da artırılacağına inandığını deyib.