15 may

Niyaməddin Orduxanlı: Heç bir nailiyyət əldə edə bilməyəcəklər

"Dövlət başçısı İlham Əliyev Avropa İttifaqının Şərq Tərəfdaşlığı proqramı çərçivəsində Brüsseldə səfərdədir və səfər çərçivəsində mühüm görüşlər keçirir. Görüş zamanı Avropada xüsusi xidmət orqanlarına işləyən və erməni diasporunun təsirində olan xaricdəki anti-milli ünsürlər öz havadarlarının tapşırıqlarını yerinə yetiriblər”.

Bunu Aznews.az-a açıqlamasında BAXCP sədrinin müavini, QHT sədri Niyaməddin Orduxanlıbildirib.

Partiya təmsilçisi vurğulayıb ki, Avropa İttifaqı ilə Azərbaycan arasında əməkdaşlığın davam etdirilməsi dövlət maraqlarımıza cavab verir. Bu, dövlətimiz üçün xüsusi önəm kəsb edir:

"Orduxan kimi küçə gədələri hər cür təxribatı törədir. Onu əvvəlcədən və qəsdən təlimatlandırırlar. Onun kimi iki-üç nəfər Prezidentin Brüssel səfərinə iyrənc surətdə etiraz etməyə cəhd göstərib. Anti-Azərbaycan hərəkətləri ilə erməni diasporunun işinə yarayan davranışlar sərgiləyiblər. Məqsədləri tədbirdə Azərbaycanın dövlət imicinə kölgə salmaqdır. Bu şəxslər aldıqları tapşırıqları çox yaxşı icra edirlər. Beynəlxalq tədbirlərdə adətən Orduxan kimilərindən istifadə yolunu tuturlar. Ancaq bu cür hallarla heç bir nailiyyət əldə edə bilməyəcəklər”.