Səudiyyədən Qaşıqçı cinayətilə bağlı yeni etiraf – “Planlı şəkildə öldürülüb” Dünya

Səudiyyədən Qaşıqçı cinayətilə bağlı yeni etiraf  – “Planlı şəkildə öldürülüb”

Səudiyyə Ərəbistanı jurnalist Camal Qaşıkçının konsulluqda çıxan davada deyil, əvvəlcədən planlaşdırıaraq öldürüldüyünü rəsmi şəkildə etiraf edib. Türkiyə mediası xəbər verir ki, bu barədə Səudiyyə Ərəbistanınında Qaşıkçı cinayətinin istintaqını aparan prokuror açıqlama verib.
Prokuror Camal Qaşıkçının Səudiyyə Ərəbistanının İstanbuldakı Baş konsulluğunda qətlinin öncədən planlaşdırıldığını, planlı şəkildə həyata keçirildiyini bildirib. Bununla da Səudiyyə Ərəbistanı jurnalistin ölümünə dair açıqlamalarının 4-cü dəfə dəyişib. Kral ailəsinin Qaşıkçı haqda ilk açıqlamasında onun konsulluğun binasından çıxdığı bildirilirdi. Daha sonra bildirildi ki, jurnalist konsulluqda çıxan davada həyatını itirib. Bu açıqlama da sonradan dəyişdirildi və vurğulandı ki, guya o, bir qəza nəticəsində həlak olub.
İndi isə səudiyyəli prokuror etiraf edib ki, Qaşıkçının ölümün planlı şəkildə həyata keçirilib. Heç şübhəsiz buna səbəb Türkiyə hüquq-mühafizə orqanlarının ortaya çıxardığı faktlardılr. Bu faktlar Səudiyyə Ərəbistanını cinayəti etiraf etmək məcburiyyətində qoyub. Ancaq sifarişçinin adı hələ də açıqlanmır. Məlumatda həmçinin qeyd olunur, Qaşıkçının ölümündə əsas rol oynayanlardan biri yüksək vəzifəli kəşfiyyat rəisi Əhməd əl-Asiridir. ABŞ mətbuatı isə bu şəxsin prezident Donald Trampla dərin bağlantıları olduğunu önə çıxarıb.
Daha öncələr Səudiyyə Ərəbistanının Yəməndə həyata keçirdiyi hərbi əməliyyatlarının gedişində mətbuat sözçülüyünü həyata keçirən, ABŞ-ın rəhbərlik etdiyi Beynəlxalq Koalisiyada da vəzifə tutan general Əhməd əl-Asiri şahzadə Məhəmməd bin Salmana ən yaxın isimlərdən biri olaraq tanınır. Ona görə də Əhməd əl-Asirinin sifarişi şahzadədən aldığı ehtimal olunur. Ancaq prokurorun açıqlamasında hməd əl-Asirinin rəhbərlik etdiyi qrupun əmri kimdən aldığı açıqlanmayıb.