Son 24 saat ərzində İspaniyada qeydə alına koronavirusa yoluxma hallarının 70 faizdən çoxu tibb işçiləri arasındadır.
Bu barədə İspaniya Səhiyyə Nazirliyi məlumat yayıb.
Nazirlik bildirib ki, son günlər ərzində daha çox tibb işçiləri arasında COVID-19 virusuna yoluxma halları baş verib. İndiyədək ölkədə qeydə alınan yoluxma hallarının 18 faizinin (43956) tibb işçiləri arasında olduğu bildirilib.
Nazirliyin məlumatına görə, Madrid və Kataloniyada iki ən böyük xəstəxanada tibb işçilərinin 11 faizi virusa yoluxub.
Səhiyyə Nazirliyi bildirib ki, tibb işçiləri arasında ölüm halları az olub. Belə ki tibb işçiləri arasında ölüm faizi 0.1-dir, halbuki ümumi əhali arasında ölüm faizi 7.8 faiz olub.