"Rusiya Krımı anneksiyası üçün çox böyük əvəz ödədi və itkilər daha çox olacaq". Bu açıqlama ilə rusiyalı jurnalist Ayder Mujdabayev öz Feysbuk səhifəsində çıxış edib.
O, Krımın hələlik vətəndaşlara öz real gəlirlərinin yarısı hesabına başa gəldiyini bildirib:
"Marta qədər bunun hesabı 2/3 və ya 3/4 olacaq. Bundan sonrasına isə nəzər salmaq çox qorxuludur. Hazırda Rusiyanı böhran yox, çöküş əhatə edib. Bunu yavaş-yavaş oxuyun və mənə elə gəlir ki, sizi heyrətləndirəcək: bir azdan biz Avropada bolqarlar və çox kasıb olan albanlardan daha kasıb olacağıq".