Ötən gün Şuşada baş verən yol qəzasında həlak olan hərbi qulluqçi Vüsal Kazımov dəfn edilib.

Hərbi qulluqçu İkinci Fəxri Xiyabanda torpağa tapşırılıb. Dəfn mərasimində hərbi qulluqçunun yaxınları, Müdafiə Nazirliyinin rəsmləri və ictimaiyyət nümayəndələri iştirak edib.
Mərasimdə fəxri qaravul düzülüb.

Qeyd edək ki, martın 3-də hərbi yük avtomobilinin qəzaya uğraması nəticəsində xəsarət alan Azərbaycan Ordusunun müddətli həqiqi hərbi xidmət hərbi qulluqçusu əsgər Kazımov Vüsal Vüqar oğlu hərbi tibb müəssisəsinə təxliyə olunub.

Həkimlərin səylərinə baxmayaraq, onu xilas etmək mümkün olmayıb.