Koronavirus pandemiyasının əvvəlindən Azərbaycan Ümumdünya Səhiyyə Təşkilatı (ÜST) ilə sıx əməkdaşlıq edib.

Bunu səhiyyə naziri Teymur Musayev IX Qlobal Bakı Forumu çərçivəsində “Qlobal səhiyyə idarəetməsi” mövzusunda dördüncü panel iclasında çıxışı zamanı deyib.

"Prezident İlham Əliyevin rəhbərliyi altında müvafiq işçi qrupu yaradılıb, tibb müəssisələri zəruri avadanlıqlarla təchiz edilib, yataq yerlərinin sayı artırılıb. Biz insanların vurusun mənşəyi və vaksinlənmənin zərurəti barədə maarifləndirilməsi üzrə ictimai kampaniyalar keçirdik", - nazir bildirib.

T.Musayev həmçinin səhiyyə işçilərinin peşə bayramını təbrik edib.