Azərbaycan Respublikasında koronavirus (COVID-19) infeksiyasına 15 yeni yoluxma faktı qeydə alınıb, 26 nəfər müalicə olunaraq sağalıb.

Nazirlər Kabineti yanında Operativ Qərargahdan verilən məlumata görə, COVID-19 üçün götürülən analiz nümunələri müsbət çıxmış şəxslərdən 1 nəfəri vəfat edib.

Azərbaycanda indiyədək ümumilikdə 822 186 nəfərin koronavirus infeksiyasına yoluxması faktı müəyyən edilib. Onlardan 811 727 nəfər müalicə olunaraq sağalıb, 9 928 nəfər vəfat edib, aktiv xəstə sayı 531 nəfərdir.

Ölkədə son sutka ərzində 1 408, hazırkı dövrədək isə 7 274 499 test aparılıb.