Yeni Macarıstan hökumətinin Ukraynaya silah və qoşun göndərməmək qərarı öz ölkəsində sülhü qorumaq istəyindən irəli gəlir.

Xalqcebhesi.az xəbər verir ki, bu barədə Macarıstan XİN-in parlament dövlət katibi Dyörd Velkey bəyan edib.

"Heç bir əsgər və heç bir silah. Bizim marağımız Macarıstanda sülhü təmin etməkdir. Bu, bizim üçün çox vacibdir", - deyə o, "Bloomberg" agentliyinə müsahibəsində bildirib.

Əvvəllər Macarıstanın Baş naziri Peter Madyar və XİN rəhbəri Anita Orban da dəfələrlə bəyan etmişdilər ki, ölkənin yeni hökuməti, əvvəlki hakimiyyət kimi, silah tədarük etməyəcək və öz hərbçilərinin Ukraynaya göndərilməsinə yol verməyəcək.

Məryəm Quliyeva