İsmayıllı rayonunun Kürdeldarbəyli kəndi ərazisində yol qəzası baş verib.

APA-nın Şirvan bürosu xəbər verir ki, sentyabrın 23-də saat 15 radələrində Gideyli kəndi istiqamətində hərəkətdə olan “VAZ-2106” markalı avtomobil idarəetmədən çıxaraq aşıb. Nəticədə 35 yaşlı sürücü Gideyli kənd sakini Seymur Məmmədli aldığı xəsarətlərdən hadisə yerində ölüb.

DİN-in Mətbuat Xidmətinin regional qrupundan bildirilib ki, faktla bağlı ərazi üzrə polis orqanında cinayət işi başlanılıb, araşdırmalar aparılır.