Azərbaycanda peşə təhsili müəssisələrində təhsil alan əcnəbilərin vətəndaşı olduğu və vətəndaşlığı olmayan şəxslərin daimi yaşadığı ölkə üzrə sayının statistikası aparılacaq.

Bu, Dövlət Statistika Komitəsinin “Azərbaycan Respublikasında olan əcnəbilər və vətəndaşlığı olmayan şəxslər haqqında” 1 №-li forma (Miqrasiya) rüblük (illik) rəsmi statistika hesabatı formasında dəyişiklik edilməsi barədə” qərarında əksini tapıb.

Statistika hər ilin rübləri üzrə aparılacaq.

Qərar iyulun 21-dən qüvvəyə minib.

Qeyd edək ki, indiyə kimi ancaq Azərbaycan Respublikasının ali və orta ixtisas təhsili müəssisələrində əyani formada və ümumi təhsil müəssisələrində təhsil alan əcnəbilərin statistikası aparılıb.