"Azərişıq" ASC istehlakçıların elektrik enerjisi təchizatı şəbəkəsinə qoşulması üçün yeni elektron xidməti istifadəyə verib.

Trend-in məlumatına görə, bunu bu gün keçirilən mətbuat konfransında "Azərişıq" ASC-nin İdarə Heyəti sədrinin müşaviri Fərrux Əmirov deyib. O bildirib ki, qurum pandemiya dövründə istehlakçıların sağlamlığına da diqqət yetirir:

"Təqdim etdiyimiz bu xidmət vasitəsi ilə abunəçilər evdən və ya ofisdən çıxmadan elektrik enerjisi şəbəkəsinə qoşula bilərlər. Bu günə qədər artıq bu xidmət vasitəsi ilə 4000-ə yaxın müraciət daxil olub".