"Radikal müxalifət nümayəndələri hakimiyyətə müəyyən problemlər yaratmaq üçün özlərinə düşmən bildikləri ilə bir cəbhədə olmağa həmişə hazır olublar". Bu sözləri Azərbaycan Demokratik Maarifçilik Partiyasının sədri Elşən Musayev deyib. Onun sözlərinə görə, radikal müxalifət partiyaları keçirəcəkləri mitinqlərdə iştirak edən şəxslərin sayını müəyyən dərəcədə artırmaq üçün ən adi yollara belə əl atırlar: "Bunlarda idealogiya, məfkurə anlayışı yox dərəcəsindədir. Bu partiyalar hər bir qrupa müəyyən bir vasitə kimi baxırlar. Bütün yollara əl ataraq müəyyən nüfuz qazanmaq istəyirlər. Hətta son bir neçə ildə bəzi dini cərəyanlara belə qucaq açaraq öz tərəfdarlarının sayını artırmağa çalışırlar. Bu cür addımlar da əsasən keçirəcəkləri mitinqlər öncəsi atılır. Növbəti mitinqin keçiriləcəyi tarix olaraq ayın 15-nin seçilməsi heç də təsadüfi deyil. Çünki bu müddət ərzində ağıllarına və ağızlarına gələn hər bir şəxsi məhz o mitinqə cəlb etmək istəyirlər. Siyasi kontingentləri yoxdur deyə hətta bəzi radikal dini qruplaşmalarla belə əməkdaşlıq etməkdən çəkinmirlər. Amma tam əminliklə deyə bilərəm ki, hər nə yola əl atsalar da sonda uğursuzluq qazanacaqlarına onların özləri belə bələddir".

Əli