Göyçay rayonunda koronavirus infeksiyasına qarşı 139 min 88 vaksin vurulub.

Göyçay rayon Mərkəzi Xəstəxanasından Trend-ə verilən məlumata görə, bu günə qədər rayon üzrə 52 min 884 nəfər birinci dozanı qəbul edib. 43 min 102 nəfər isə hər iki doza peyvənd olunub. Hazırda peyvəndləmə prosesi davam etdirilir.

Xəstəxanadan qeyd ediblər ki, bu günə qədər peyvənd olunanlar sırasında əks-təsir faktı aşkar edilməyib: "Həmçinin, peyvənd olunanlar arasında xəstəliyi ağır keçirənlərə və ölüm hallarına rast gəlinməyib".

Xatırladaq ki, ötən gün Azərbaycanda son sutkada koronavirus (COVID-19) əleyhinə 57 572 vaksin vurulub.

Nazirlər Kabineti yanında Operativ Qərargahdan Trend-ə verilən məlumata görə, ötən gün birinci mərhələ üzrə vaksinasiya olunanların sayı 15 949, ikinci mərhələ üzrə vaksinasiya olunanların sayı 41 623 nəfərdir.

Ölkədə vurulan vaksinlərin ümumi sayı 8 795 572, birinci mərhələ üzrə vaksinasiya olunanların ümumi sayı 4 824 323, ikinci mərhələ üzrə vaksinasiya olunanların ümumi sayı isə 3 971 249 təşkil edir.