Mədəniyyət Nazirliyi və Teatr Xadimləri İttifaqının təşkilatçılığı ilə Vətən müharibəsində qazanılan Qələbənin ikinci ildönümünə həsr olunan “Zəfər Sədası” adlı bədii qiraət müsabiqəsi keçirilib.

AZƏRTAC xəbər verir ki, müsabiqədə 13 teatr və 1 təhsil ocağı olmaqla, ümumilikdə 22 nəfər iştirak edib. Yarışmada təqdim olunan nümunələrə 2 turda baxış keçirilib. Sonra münsiflər heyətinin yekun qərarına əsasən qalib seçillən 10 iştirakçıya mükafatlar təqdim olunub. Eyni zamanda digər 12 iştirakçı müsabiqədə iştiraka görə diplomlarla təltif edilib.

Tədbirdə çıxış edən İttifaqın sədr müavini, Xalq artisti, Dövlət mükafatı laureatı Hacı İsmayılov hərkəsi qarşıdan gələn Zəfər günü munasibəti ilə təbrik edib, qazanılan Qələbənin əhəmiyyətindən danışıb.

Qeyd edək ki, müsabiqənin keçirilməsində əsas məqsəd milli mədəniyyət məkanında baş verən yaradıcılıq proseslərini fəallaşdırmaq, bədii qiraətə olan marağı artırmaq və yeni yaradıcılıq axtarışlarına şərait yaratmaqdır.