İran Hörmüz boğazını bağlamaq qərarına gələrsə, bunu açıqlayacaq.

Xalqcebhesi.az-ın məlumatına görə, İran xarici işlər nazirinin müavini Səid Xətibzadə bildirib ki, belə bir qərar verilərsə, hakimiyyət orqanları bunu açıqlayacaq.

"Hindu" qəzeti onun sözlərini sitat gətirib: "İran Hörmüz boğazında sabitliyin qalasıdır. Hörmüz boğazını bağlayıb-bağlamadığımızı açıqlayacağıq. Biz onu bağlamamışıq. Biz məsuliyyətli bir ölkəyik".
Xətibzadə əlavə edib ki, "Diplomatiya gələcəkdə yeganə çıxış yoludur".
İran Hərbi Dəniz Qüvvələri dünya neft ixracatının təxminən beşdə birinin keçdiyi Hörmüz boğazı üzərində tam nəzarətə malikdir. İslam İnqilabı Keşikçiləri Korpusunun (İran Silahlı Qüvvələrinin elit bölməsi) sözçüsü Məhəmməd Əkbərzadənin sözlərinə görə, boğazdan keçməyə çalışan təxminən 10 neft tankeri artıq raket və dronlarla vurulub.

Məryəm Quliyeva