İordaniya HHQ-nin qırıcıları krallığın hava məkanına daxil olan dörd pilotsuz uçuş aparatını (PUA) ələ keçirərək vurublar.

Xalqcebhesi.az xəbər verir ki, bu barədə baş komandanlığın nümayəndəsinin bəyanatında bildirilir.

"İran ərazisindən buraxılan dronlar effektiv və dəqiq şəkildə zərərsizləşdirilib. Onların məhv edilməsi əməliyyatı nəticəsində hər hansı zərər dəyməyib, xəsarət alan yoxdur", — deyə mətndə qeyd olunur.

Günün birinci yarısında hava hücumundan müdafiə sistemləri İordaniyanı hədəf alan altı raket aşkarlayıb. Onlardan dördü vurulub, daha ikisi isə maddi ziyan vurmadan uzaq, kimsəsiz ərazilərə düşüb.

Məryəm Quliyeva