ABŞ Prezident Administrasiyası Baş nazir Mark Karninin daha əvvəl elan etdiyi tədbirlərə cavab olaraq Kanadaya qarşı əlavə ticarət sanksiyalarının tətbiqi imkanlarını müzakirə edir.

Xalqcebhesi.az xəbər verir ki, bu barədə məlumatlı mənbələrə istinadən "Bloomberg" məlumat yayıb.

Ağ Ev rəsmisinin sözlərinə görə, Birləşmiş Ştatlar Kanadaya qarşı gərginliyi daha da artırmaq addımları ata bilər — bu tədbirlərə gömrük rüsumlarının artırılması və digər ticarət addımları daxildir.

O qeyd edib ki, ABŞ Prezidenti Donald Tramp Kanada ilə mübahisədə istifadə oluna biləcək geniş alətlər arsenalına malikdir.

ABŞ-nin cavab reaksiyasının yaxın vaxtlarda olacağı gözlənilir.

Məryəm Quliyeva