Ukrayna cəbhə xəttindən 1000 kilometr məsafədə yerləşən Rusiya Federasiyasının Yaroslavl vilayətindəki neft emalı zavodunu, həmçinin Engels aerodromundakı Tu-95MS raketdaşıyıcısını vurub.

Xalqcebhesi.az xəbər verir ki, bu barədə Ukrayna prezidenti Volodimir Zelenskinin bəyanatında deyilir.

"Bu sutka ərzində Ukrayna Müdafiə Qüvvələrinin döyüşçüləri Yaroslavl regionundakı neft emalı zavodunu vurublar. Məsafə — cəbhə xəttindən 1000 kilometrdir. Qara dənizdə də Rusiyanın müharibəsinə cavab olaraq ədalətli addımlarımız olub", — deyə dövlət başçısı qeyd edib.

Prezident həmçinin bildirib ki, Ukrayna Təhlükəsizlik Xidmətinin (UXT) "Alfa" xüsusi təyinatlı bölməsinin döyüşçüləri Engels aerodromunda Rusiyanın Tu-95MS strateji raketdaşıyıcısını sıradan çıxarıblar. O vurğulayıb ki, Ukraynaya zərbələr endirən məhz bu cür təyyarələrdir.

Məryəm Quliyeva