Rusiyanın 2022-ci ildə başladığı genişmiqyaslı təcavüzdən bəri beşinci müdafiə naziri olan Yevgeni Xmara nin Rusiyanın Ukraynanın yalnız müəyyən bölgələrini ələ keçirməklə kifayətlənmək niyyəti yoxdur; o, bütün ölkə üzərində nəzarəti ələ almağa çalışır. Daha dəqiq desək, Rusiya bir imperiya qurmaq istəyir bəyanatı
prinsipcə, bu, prezidentin, parlamentin, Ukraynanın hakim çoxluğunun vahid seqmentinin, parlament müxalifətinin və fəalların bir hissəsinin tipik bəyanatıdır.

Bunu xalqcebhesi.az-a Ukrayna Milli Strateji Araşdırmalar İnstitutunun direktor müavini, iqtisad elmləri doktoru, politoloq Vyaçeslav Potapenko deyib.

"ABŞ Milli Müdafiə Universitetində çıxış edən Vladimir Zelenski deyib: "Rusiya Ukraynanın torpaqlarından, resurslarından və ya əhalisindən qat-qat artığını hədəfləyir və buna görə də nə Ukraynanın bir hissəsi, nə də bütövlükdə Ukrayna ilə kifayətlənəcək. Rusiyaya Ukrayna yalnız yenidən həmin imperiya kimi hərəkət edə bilmək üçün bir tramplin qismində lazımdır". Parlamentdəki müxalifətin lideri və Ukraynanın keçmiş prezidenti Petro Poroşenko isə belə deyib: "Putin bazarlıq etmir". Onun yanaşması tamamilə fərqlidir. Putin Sovet İttifaqını bərpa etmək istəyir. Putin Rusiya İmperiyasını bərpa etmək istəyir.
Bununla bağlı heç bir şübhəm yoxdur. Putin tarixdəki yeri barədə xəyallar qurur. Və bunun hansı insan itkiləri — istər rusların, istərsə də, əlbəttə ki, ukraynalıların həyatı — bahasına başa gəlməsi onun üçün əhəmiyyət kəsb etmir. Beləliklə, bu günə olan məlumata görə, həmin məsələ ilə bağlı — heç olmasa, hakimiyyət qurumları və parlament müxalifəti səviyyəsində — ümumi bir razılıq mövcuddur" - o, deyib.

Cavid