Bu ilin ilk 11 ayında Azərbaycan bankları "Bloomberg" platformasında milli valyutada 94,4 milyard manatlıq 3 365 əqd bağlayıb.

“APA-Economics” xəbər verir ki, bu barədə Azərbaycan Mərkəzi Bankının 2025-ci il üçün pul siyasətinin əsas istiqamətləri barədə bəyanatında bildirilir.

Qeyd edilib ki, əməmliyyatların 97%-nin müddəti 1-3 günlük olub. Bu dövrdə banklararası REPO bazarında 10,3 milyard manatlıq 630 əqd bağlanılıb.

Ötən ilin eyni dövrü ilə müqayisədə "Bloomberg" platformasında aparılan əməliyyatların dəyəri 3,4 dəfə, banklararası REPO bazarındakı aparılan əməliyyatların dəyəri isə 2,3 dəfə artıb.