"Şahdəniz" qaz-kondensat yatağından indiyədək 243 mlrd. kubmetr qaz hasil olunub.

"APA-Economics" xəbər verir ki, bunu Bakıda keçirilən sayca 30-cu Yubiley “Baku Energy Forum”unda çıxış edərkən BP-nin Azərbaycan, Gürcüstan, Türkiyə regionunda geologiya və işlənmə üzrə vitse-prezidenti Dan Sparks bildirib.

Onun sözlərinə görə, indiyədək "Şahdəniz"dən 50 mln. ton qaz kondensatı istehsal olunub.

Dan Sparks onu da qeyd edib ki, "Azəri-Çıraq-Günəşli" yataqları blokundan indiyədək 4,5 mlrd. barel neft çıxarılıb.