Cari ilin sentyabr ayında qızılın bir troya unsiyası (31,1 qram) üzrə orta qiyməti bu ilin avqust ayı ilə müqayisədə 8.9% və ya 300 ABŞ dolları artaraq 3668 ABŞ dolları təşkil edib.

Bu barədə “APA-Economics” Dünya Bankına istinadən xəbər verir.

Dünya Bankının məlumatına görə, qızılın rüblük orta qiyməti cari ilin yanvar-mart aylarında 2863 dollar, aprel-iyun aylarında 3293 dollar, iyul-sentyabr aylarında isə 3459 təşkil edib. 2025-ci ilin III rübündə qızılın orta qiyməti ötən ilin müvafiq dövrü ilə müqayisədə 39.5% və ya 979 ABŞ dolları artıb.

Qeyd edək ki, qızılın 2025-ci ilin sentyabrında orta qiyməti (3 668 ABŞ dolları), 2024-cü ilin orta göstəricisini (2 388 ABŞ dolları) 53.6% və ya 1280 ABŞ dolları üstələyib.