Bu ilin yanvar-sentyabr aylarında Azərbaycan İtaliyaya 5 511 082,12 min ABŞ dolları dəyərində 8 881 441,48 ton neft ixrac edib. Bununla da İtaliya Azərbaycanın ümumi neft ixracında birinci yerdə qərarlaşıb.

"APA-Economics"in Dövlət Gömrük Komitəsinin hesabatına istinadən verdiyi məlumata görə, Azərbaycanın ümumi neft ixracında (dəyərinə və həcminə görə - red.) ikinci yerdə Çexiya qərarlaşıb. Hesabat dövründə, bu ölkəyə 908 481,16 min dollar dəyərində 1 326 505,29 ton neft ixrac edilib.

Azərbaycanın neft ixracı üzrə siyahıda (dəyərinə görə) üçüncü yeri Rumıniya tutur. Yanvar-sentyabr aylarında bu ölkəyə 644 318,31 min dollar 1 014 014,22 ton neft ixrac edilib.

Məlumata əsasən, qeyd olunan göstəricilərdə hesabat dövründə gömrük orqanlarında rəsmiləşdirilməsi başa çatdırılmış ixrac olunan neftin dəyərinə dair məlumatlar nəzərə alınıb. Siyahıdan göründüyü kimi, hesabat dövründə 10-dan çox ölkəyə 10 103 482,51 min dollarlıq 15 829 589,9 ton neft ixrac edib.

"APA-Economics" Azərbaycanın bu ilin yanvar-sentyabr aylarında neft ixrac etdiyi ölkələrə dair tərtib etdiyi reytinqi (ixrac edilən neftin dəyərinə görə) təqdim edir: