Gələn ilin sentyabr ayının sonuna qədər işimə diqqət yetirməkdən başqa heç bir planım yoxdur. Bu, mənim yeganə planımdır.

Trend xarici mediaya istinadən xəbər verir ki, bunu NATO-nun baş katibi Yens Stoltenberq alyansdakı mandatının yeni müddətə uzadılmasının mümkünlüyü ilə bağlı suala cavabında deyib. O, həmçinin, əmin olduğunu bildirib ki, alyans ölkələri onu əvəz edəcək layiqli namizəd tapa biləcəklər.

Xatırladaq ki, Stoltenberq oktyabrın 1-də istefa verməli idi. Lakin martda alyans ölkələrinin liderləri sammit zamanı onun mandatını 2023-cü il sentyabrın 30-na kimi uzatmaq qərarına gəliblər.