Avropa İttifaqı Ermənistana referanşlar etməklə Rusiyanın bu ölkədə siyasi mövqeyini zəiflətməyə çalışsa da, Azərbaycanla münasibətlərdə suallar yaradır. Bununla da Avropa İttifaqının sülh vasitəçiliyi tənəzzülə uğrayır.

Bunu "Xalq Cəbhəsi"nə politoloq Məhəmməd Əsədullazadə deyib.

O, qeyd edib ki, N.Paşinyan Avropa İttifaqının bu siyasətinə söykənib, yenidən ucadan "Artsahk" qışqırmağa başlayacaq. Halbuki, ötən il plakatı və səsini aşağı salmağı məqsədəuyğun hesab edirdi. Tipik erməniliyi ilə bağırdıqca, batacaq. Necə ki, bataqlıqdadırlar:

"Avropa İttifaqının Ermənistana mülki missiya göndərməsi isə, açıq desək bu ölkəni Azərbaycandan qorumaqdır. Halbuki, Brüssel formatı çərçivəsində sülh danışıqları ilə normallaşma prosesi başlaya bilərdi. Rəsmi Bakı Avropa İttifaqı ilə hansı istiqamətdə strateji məsələdə uzlaşa bilmədi ki, Brüssel Yerevana missiya göndərdi.
Avropa İttifaqı ilə qaz memarandumu, enerji və nəqliyyat sahəsində əməkdaşlıq Azərbaycanı İttifaq üçün xüsusi əhəmiyyət kəsb edən ölkə edir. Görünür, daha çox siyasi işlər həyata keçirilməlidir".
Cavid