“Prezident İlham Əliyev, Putin və Paşinyanın Moskva görüşü vasitəçilik üzərindən gedən mübarizədə rus gedişidir və Putin təşəbbüsü ələ almaq üçün nələrsə etməyə çalışacağı gözləntisi var”. Xalqcəbhəsi.az xəbər verir ki, bu fikirləri siyasi şərhçi Asif Nərimanlı deyib. O, bildirib ki, xarici işlər nazirlərinin Moskva görüşündə gündəmə gələn və Vaşinqtondakı “sülh və dövlətlərarası münasibətlərin qurulması haqqında” ikitərəfli sazişə alternativ kimi irəli sürülən, əslində isə “adqoyma mərasimi”nin davamı olan “Sülh və dövlətlərarası münasibətlərin qurulması haqqında” saziş layihəsinin liderlər səviyyəsində razılaşdırılmasına, bu razılığın “niyyət anlaşması” formasına salınmasına çalışa bilər: “Bu, Qərb platformasında danışıqların davam etdiyi vaxt sülh sazişində “rus imzasının” əks olunması məqsədi daşıyır.
İkincisi, görüş üçtərəfli razılaşmaların alternativinin olmadığının təsdiqi üzərindən qurula bilər, hərçənd, burada da yeniliklər görə bilərik, xüsusilə razılaşmalar müəyyən korrektlərlə yenidən gündəmə gəlməsi fonunda”.