Türkiyədə prezident seçkiləri dünyada müstəsna deyəcəyimiz bir seçki olub. Millətimin dəstəyi ilə bu seçkidə qalib olmağımıza, seçkilərdən sonra Şimali Kiprə və Azərbaycana səfərimizə görə çox xoşbəxtik.

APA-nın xəbərinə görə, bunu Azərbaycanda dövlət səfərində olan Türkiyə Prezidenti Rəcəb Tayyib Ərdoğan Prezident İlham Əliyevlə geniş tərkibdə görüşdən sonra mətbuata bəyanatda bildirib.
Rəcəb Tayyib Ərdoğan deyib ki, öz evimizdəyik: “İkitərəfli və çoxtərəfli görüş keçirdik. Türkiyə və Azərbaycan iki qardaş ölkədir. Bir millət, iki dövlət kimi bundan sonra da yolumuza qərarlı şəkildə davam edəcəyik. Prezident seçkilərindən sonra mərasimdə Prezident İlham Əliyevin birinci xanımla birgə iştirakı dünyaya bir mesajdır. Mən də həyat yoldaşımla Azərbaycana səfərə gəlmişəm”.