Kreml Rusiya Prezidenti Vladimir Putin və ABŞ Prezideni Co Bayden arasında iyunun 16-da Cenevrədə keçirilən görüşdə müzakirə olunan məsələləri açıqlayıb.

APA-nın Moskva müxbirinin xəbərinə görə, Kremlin mətbuat katibi Dmitri Peskov Putin-Bayden görüşündə Suriya, İran, Liviya və Ukrayna ilə bağlı məsələlərin müzakirə olunduğunu bildirib.

Onun sözlərinə görə, təmaslar bundan sonra da davam etdiriləcək.

Qeyd edək ki, dünən İsveçrənin Cenevrə şəhərində Rusiya və ABŞ liderləri arasında görüş keçirilib. Kibertəhlükəsizlik, dünyada sabitliyin qorunması, regional münaqişələr və ikitərəfli münasibətlərin müzakirə olunduğu Putin-Bayden görüşü 4,5 saat davam edib.